Opnað fyrir sölu í gönguferð í Kerlingarfjöllum

Gönguferð innanlands SLFÍ í Kerlingarfjöllum dagana 11.-15. júlí 2024.

Ferðin kostar 70.000 kr. á mann (fullt verð 100.000 kr).
Opnað verður fyrir sölu á orlofsvef SLFÍ 17. apríl kl:13:00

Kerlingarfjöll á Kili eru á miðju hálendi  Íslands. Í Kerlingarfjöllum er fjölbreytt landslag á litlu svæði, tignarleg fjöll, jöklar, hverasvæði, gljúfur og dalverpi.

Hin árlega innanlandsferð Sjúkraliðafélags Íslands verður að þessu sinni í Kerlingarfjöllum. Hámarksfjöldi í ferðina eru 19 einstaklingar. Gist verður í svefnpokagistingu í fjórar nætur (gist í skálum fyrir 15 manns og 6 manns). Gengið verður í þrjá daga um þetta magnaða svæði. Skipt verður í matarhópa sem eldar sameiginlegar máltíðir.

Dagskrá ferðar: 

• Dagur 1: Lagt af stað frá skrifstofu SLFÍ að Grensásvegi með rútu kl: 9:00. Ekið í Kerlingarfjöll með viðkomu á Gullfossi.
• Dagur 2: Hringur í Neðri Hveradölum, gengið 12-14 km og 500 m hækkun.
• Dagur 3: Ásgarðsfjall, Keis og Ásgarðsgljúfur, gengið 10-12 km og 300 m hækkun.
• Dagur 4: Kerlingin klukkuð gengið 14 -16 km og 400 m hækkun.
• Dagur 5: Heimferð kl: 11:00.

Innifalið í ferðinni:

• Akstur fram og til baka í Kerlingarfjöll
• Svefnpokagisting
• Fararstjórn og gönguleiðsögn

Það sem þarf að hafa meðferðis:

• Bakpoka
• Regngalli
• Legghlífar
• Auka peysa
• Húfa
• Sólgleraugu
• Vatnsflaska, hitabrúsi, bolli
• Nesti fyrir tvö nestisstopp
• Smávegis nasl (orkugefandi)
• Göngustafi
• Flugnanet
• Sundfatnað
• Vaðskór
• Sólarvörn