Lesa meira: Kristín Á. Guðmundsdóttir formaður Sjúkraliðafélags íslands var annar ræðumaður á Ingólfstorgi í...

 

 

 

 

Kvennablaðið birti ræðu formanns Sjúkraliðafélags Íslands, Kristínar Á. Guðmundsdóttur en hún var annar ræðumanna á Ingólfstorgi í dag á baráttudegi verkalýðsins. 

Hér má sjá ræðuna í Kvennablaðinu. 

 

Lesa meira: 25. Fulltrúaþing Sjúkraliðafélag Íslands

verður þann 10. maí 2016 að Grensásvegi 16 í félagsaðstöðinni okkar á jarðhæð, 

fundur hefst kl. 10:00 og eru allir sjúkraliðar velkomnir.

Lesa meira: Laus orlofsíbúð á Akureyri
 
Vegna forfalla er íbúðin á Akureyri laus frá 28. apríl - 5. maí.
 

Lesa meira: Öryrkjabandalag Íslands stendur fyrir opnu málþingi um greiðsluþátttöku í heilbrigðisþjónustu á...

Kostnaður almennings vegna heilbrigðisþjónustu hefur aukist umtalsvert á undanförnum árum og er mörgum þungur baggi. Við hvað á hámarkskostnaður sjúklinga að miðast? Hvaða kostnaður á að falla undir greiðsluþátttöku sjúklinga? Hversu mörg eiga greiðsluþátttökukerfin að vera?

Á málþingi um greiðsluþátttöku í heilbrigðisþjónustu verða kynntar áherslur Öryrkjabandalags Íslands sem hafa verið settar fram í skýrsluformi og fjallað verður um frumvarp heilbrigðisráðherra um nýtt greiðslukerfi vegna heilbrigðisþjónustu sem lagt var fram á dögunum.

 

Sjá nánar

Lesa meira: Sameiginlegt málþing ASÍ og BSRB 3. maí

BSRB og ASÍ standa sameiginlega fyrir málþingi þann 3. maí undir yfirskriftinni „Er einkarekstur í heilbrigðisþjónustu almannahagur?“

Er einkarekstur í heilbrigðisþjónustu almannahagur? Málþing ASÍ og BSRB Þriðjudaginn 3.maí 2016 kl. 13.00-16.00 á Hotel Natura

Sjá auglýsingu

Lesa meira: Samningur við SNS í höfn

Skrifað var undir kjarasamning við Samband íslenskra sveitarfélaga á fjórða tímanum í nótt.

Samningurinn gildir frá 1. maí 2015 til 31. mars 2019.  

Kynning á samningnum verður auglýst síðar.

 Lesa meira:
 
"Foodloose: Ráðstefna um sykur, fitu og nútíma mataræði - rúmlega 45% afsláttur fyrir félagsmenn Sjúkraliðafélags Íslands
 
 

Hvað ef það sem við höfum haldið um mataræði, offitu og lífsstílssjúkdóma er rangt?

Það hefur ekki örugglega farið framhjá neinum að það er að hellast yfir okkur faraldur krónískra sjúkdóma með offitu, sykursýki og hjarta- og æðasjúkdóma í fararbroddi. 

Þessi þróun hófst fyrir alvöru fyrir nokkrum áratugum og hefur haldið áfram þrátt fyrir tilraunir stjórnvalda um allan heim til að stemma stigu við vandanum. 

Hin almenna sýn á mataræði og heilbrigði hefur einfaldlega verið sú að einstaklingar þurfi einfaldlega að borða færri kaloríur, helst í formi minni fitu, og hreyfa sig meira til að halda sér heilbrigðum og í kjörþyngd.

Reynsla margra og rannsóknir síðustu ára benda hins vegar til þess að málið sé ekki svona einfalt - að þetta sé ekki bara spurning um hvað líkaminn geri við matinn (orkuna), heldur hvað maturinn gerir líkamanum: mismunandi matvæli hafa mismunandi áhrif á hormón og efnaskipti líkamans. 

Þann 26. maí nk verður haldin heilsdagsráðstefna í Eldborgarsal Hörpunnar sem tekur þessi mál fyrir.

Félagsmenn Sjúkraliðafélags Íslands fá 45% afslátt af ráðstefnugjaldi. Við skráningu sláið þið einfaldlega inn kóðann ‪#‎FL2016BHEALTHY‬ og mun þá afslátturinn sjálfkrafa koma inn. Minnum einnig á stéttarfélagsstyrki.

Á mælendaskrá eru heimsþekktir fyrirlesarar, m.a.: 
Gary Taubes meðstofnandi Nutrition Science Initiative og höfundur "Why We Get Fat"
Tim Noakes læknir og prófessor í íþróttavísindum og þjálfun við Cape Town háskóla í S-Afríku og höfundur " The Real Meal Revolution" 
Aseem Malhotra, einn þekktasti hjartalæknir Breta, sem m.a. hefur verið leiðandi fyrir samtökin "Action On Sugar" sem vinna að því að koma böndum á sykurneysluna þar.

Fundarstýra er Marianne Demasi, þáttastjórnandi í Catalyst, vinsælasta vísindaþætti í ástralska sjónvarpinu og verndari ráðstefnunnar er Dorrit Moussaieff, forsetafrú Íslands.

Ýmsir vinklar verða skoðaðir, þám: Hvers vegna fitnum við? Hversu skaðlegur er sykur? Er mettuð fita slæm? Hvað vitum við um áhrif kólesteróls og insúlíns á hjartasjúkdóma? Hver eru áhrif lágkolvetnamataræðis eða grænmetisfæðis á líkamann? 
Hvað annað þurfum við að hugsa um til að viðhalda eigin heilbrigði og vellíðan?

Þetta er mál sem varðar alla og enginn sem hefur áhuga á heilsu, sinni eigin eða annarra, ætti að missa af.

Nánari upplýsingar um ráðstefnuna og skráningu að finna á www.foodloose.is

Lesa meira: Áhrif og áskoranir hækkandi lífaldurs

Málþing um hækkun lífaldurs og áskoranir sem okkar bíða vegna þess sem haldið verður þann 26. apríl n.k. sbr. viðhengi.  

 

Lífeyrismál 

 

 

Atkvæðagreiðsla um boðun verkfalls Sjúkraliðafélags Íslands gagnvart þeim sveitarfélögum og öðrum aðilum sem Samband íslenskra sveitarfélaga hefur samningsumboð fyrir.

Niðurstöður atkvæðagreiðslu

Svar                                                       Talið     Prósent
Já ég samþykki boðað verkfall.............. 175 ..... 97.22% 
Nei ég samþykki ekki boðað verkfall.....     3 ..... 1.67% 
Tek ekki afstöðu....................................     2 ..... 1.11% 
 
 
Fjöldi á kjörskrá........... 312
Fjöldi kjósenda............ 180
 
Lesa meira: Verkfall hefst 4. apríl nk hafi ekki náðst samkomulag við Samband Íslenskra sveitarfélaga fyrir...
 

 Lesa meira: BSRB skoðar aðkomu að íbúðafélagi

 

Stjórn BSRB hefur nú til skoðunar hvort bandalagið mun koma að stofnun íbúðafélags ásamt Alþýðusambandi Íslands (ASÍ).Félagið mun verða leigufélag sem rekið verður án hagnaðarsjónarmiða. Skýrast mun á næstu vikum hvort, og þá hvernig, BSRB mun taka þátt í stofnun íbúðafélagsins.

Gylfi Arnbjörnsson, forseti ASÍ, kynnti áform um stofnun íbúðafélagsins við hátíðarhöld vegna 100 ára afmælis ASÍ um helgina. Félagið mun hafa það hlutverk að byggja fjölda leiguíbúða og leigja lágtekjufólki á viðráðanlegu verði. Skrifað var undir samning við Reykjavíkurborg um helgina um að borgin sjái félaginu fyrir lóðum fyrir 1.000 íbúðir á næstu fjórum árum.

Mikil þörf segir formaður BSRB „

Þetta er mikilvægt mál sem stjórn BSRB hefur verið með til skoðunar. Við þurfum að fara vandlega yfir alla þætti málsins áður en við tökum ákvörðun um aðkomu bandalagsins að málinu, en þörfin fyrir húsnæði á viðráðanlegu verði fyrir tekjulægstu hópana ætti að vera öllum ljós,“ segir Elín Björg Jónsdóttir, formaður BSRB.

Íbúðafélagið verður sjálfseignarstofnun með takmarkaða ábyrgð, og verður það rekið án markmiða um hagnað. Áður en hægt verður að stofna íbúðafélagið þarf Alþingi að samþykkja frumvarp Eyglóar Harðardóttur, félags- og húsnæðismálaráðherra. Vonir standa til þess að það verði gert fyrir lok vorþings.

Tekjulágir fái öruggt leiguhúsnæði

Formannaráð BSRB hvetur ríkisstjórnina og Alþingi til að samþykkja aðgerðir í húsnæðismálum sem byggja a frumvörpum ráðherra. Ráðið ályktaði á fundi sínum nýlega að leysa verði mikinn vanda á húsnæðismarkaði með heildstæðum og markvissum hætti, eins og bandalagið hafi margoft bent á.

„BSRB hefur margítrekað bent á að auka þarf framboð öruggs leiguhúsnæðis fyrir fjölskyldur auk þess sem brýn nauðsyn er á að draga verulega úr húsnæðiskostnaði launafólks,“ segir meðal annars í ályktun formannaráðsins. Ráðið telur mikilvægt að tekjulágum fjölskyldum verði veittur aðgangur að öruggu leiguhúsnæði með viðráðanlegri leigu.

„Ég treysti því að stjórnvöld standi við sínar yfirlýsingar í tengslum við kjarasamninga og mér heyrist á öllu að það sé sæmileg sátt um þetta frumvarp og þess vegna ætti ekki að vera neitt að vanbúnaði að Alþingi klári þetta frumvarp,“ sagði Gylfi í samtali við MBL um helgina.

BSRB leggur áherslu á blandaða byggð

Elín Björg segir að ýmsu að huga áður en félagið verði stofnað. „BSRB mun leggja áherslu á að þessar nýju íbúðir verði í blandaðri byggð, þannig að ekki verði um það að ræða að byggðar verði upp blokkir þar sem eingöngu tekjulágir leigja. Það er mikilvægt að útfæra þetta nánar til að tryggja blöndun. Félagar okkar í ASÍ eru okkur algerlega sammála, en við þurfum í sameiningu að finna réttu leiðina til að byggðin verði sannarlega blönduð.“

Gylfi sagði í samtölum við fjölmiðla um helgina að ASÍ muni leggja íbúðafélaginu til 10 milljónir króna í stofnfé. Í tilefni af aldar afmæli ASÍ gaf BSRB hreyfingunni eina milljón króna í stofnfé íbúðafélagsins. Ákveði stjórn BSRB að taka þátt í stofnun íbúðafélagsins með ASÍ mun bandalagið leggja til ákveðið hlutfall af stofnfé íbúðafélagsins til viðbótar við þessa gjöf.

Einnig er áformað að aðildarfélögin veiti íbúðafélaginu víkjandi lán upp á allt að 100 milljónir króna til að tryggja rekstrarfjármögnun félagsins fyrstu fimm árin, þar til reksturinn verður orðinn nægilega mikill að umfangi til að hann verði sjálfbær.

Formannaráð BSRB ályktar

Formannaráð BSRB hefur sent frá sér eftirfarandi ályktun vegna húsnæðismála:

Ályktun formannaráðs BSRB vegna húsnæðismála

Formannaráð BSRB hvetur ríkisstjórn og Alþingi til að samþykkja sem fyrst aðgerðir í húsnæðismálum sem byggja á frumvörpum félags- og húsnæðismálaráðherra sem ætlað er að ráða bót á verulegum vanda á húsnæðismarkaði. BSRB hefur margítrekað bent á að auka þarf framboð öruggs leiguhúsnæðis fyrir fjölskyldur auk þess sem brýn nauðsyn er á að draga verulega úr húsnæðiskostnaði launafólks.

Formannaráð BSRB telur mikilvægt að tekjulágum fjölskyldum sem hingað til hafa ekki átt kost á því sé veittur aðgangur að öruggu leiguhúsnæði á viðráðanlegu leiguverði. Þannig er mikilvægt að verulegum fjármunum verði varið til uppbyggingar á leigumarkaði þannig að hægt sé að mæta mikilli og brýnni eftirspurn. Það er grundvallaratriði að það kerfi sem byggt verður upp verði til lengri tíma sjálfbært og að leiguverð verði viðráðanlegt fyrir efnaminni leigjendur.

Þá telur formannaráð BSRB að samþykkt fyrirliggjandi frumvarps um nýtt húsnæðisbótakerfi feli í sér mikilvægt skref í átt að einu húsnæðisbótakerfi.Formannaráð BSRB bendir þó á að það hefur lengi verið baráttumál BSRB að stuðningur hins opinbera við ólík búsetuform verði jafnaður. Samræmdar húsnæðisbætur í stað vaxta- og leigubóta myndu jafna húsnæðisstuðning milli þeirra sem eiga húsnæði og þeirra sem leigja og stuðla að frekari jöfnuði fólks.

Formannaráð BSRB áréttar að öruggt húsnæði á viðráðanlegu verði er ekki eingöngu brýnt kjaramál launafólks. Það er einnig lykilatriði í að byggja upp fjölskylduvænt samfélag þar sem þarfir, vellíðan og öryggi launafólks og fjölskyldna þeirra eru lagðar til grundvallar í allri stefnumótun.