Viltu sækja Genfarskólann 2011? - 6. jan. 2011

virkum félagsmönnum í stéttarfélögunum. Gert er ráð fyrir því að umsækjendur hafi áhuga á alþjóðamálum verkalýðshreyfingarinnar. Æskilegt er að þeir hafi sótt fræðslustarf verkalýðshreyfingarinnar og þekki til starfsemi stéttarfélaganna og samtaka þeirra hér á landi.

Norræni Lýðháskólinn í Genf, Genfarskólinn, byrjar 24. mars 2011 í Runö í Svíþjóð. Að því loknu tekur við fjarnám sem stendur þar til þátttakendur fara út í lok maí.

Aðild að Genfarskólanum eiga MFA-samböndin í Svíþjóð, Noregi, Danmörku, Finnlandi og hér á landi.

Fornámskeið 24. til 27. mars í Svíþjóð

Skólinn er haldinn samhliða Alþjóðavinnumálaþinginu í Genf og dregur nafn sitt af því. Nemendur kynnast þinghaldinu og Alþjóðavinnumálastofnuninni ILO. Stofnunin starfar að vinnumálum á vegum Sameinuðu þjóðanna. Fulltrúar á ILO-þinginu eru frá stjórnvöldum, atvinnurekendum og samtökum launafólks um allan heim.  Þátttakendur kynnast norrænu samstarfi á vettvangi ILO og geta kynnt sér ýmis alþjóðasamtök verkalýðshreyfingarinnar sem starfa í tengslum við ILO.

Fjarnám er í apríl og maí

Námið fer fram í formi fjarnáms, fyrirlestra, hópastarfs og þátttakendur fylgjast með  fundum Alþjóðavinnumálaþingsins og nefndarstarfi þess. Nauðsynlegt er að umsækjandi hafi gott vald á einu norðurlandamáli og hafi auk þess góða enskukunnáttu.

Aðalnámskeið 29. maí til 17. júní í Genf

Íslensku þátttakendurnir á Genfarskólanum hafa verið tveir undanfarin ár. Þeir hafa sótt fundi hér á landi, sem haldnir hafa verið til undirbúnings þátttöku í skólanum. Kynningarfundir verða haldnir í byrjun næsta árs.  Á kynningarfundinum munu þátttakendur hitta fulltrúa Íslands sem sækja ILO þingið, ásamt þátttakendum síðasta árs.

 

Ég vil nota þetta tækifæri til að minna á að fulltrúar Íslands hafa vakið athygli fyrir samviskusemi, góðan undirbúning og einlægan áhuga á alþjóðamálum verkalýðshreyfingarinnar.

Umsóknum skal skilað til Félagsmálaskóla alþýðu að Sætúni 1, 105 Reykjavík.  Meðfylgjandi eru upplýsingar um skólann og umsóknareyðublað.

Umsóknarfrestur er til 10. janúar nk.