Sjúkraliðar á norðurlandi vestra álykta - 21. nóv. 2008

Multithumb found errors on this page:

There was a problem loading image 'images/Mynd_0484678.jpg'
There was a problem loading image 'images/Mynd_0484678.jpg'

 

Formaður Norðurlandsdeildar vestri,Sigríður Karlsdóttir, í ræðustóli
Mynd_0484678.jpg
Formaður Norðurlandsdeildar vestri,Sigríður Karlsdóttir, í ræðustóli

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Ályktun

 

fjölmenns aðalfundar sjúkraliða Norðurlands deildar vestra, haldinn á Gauksmýri í Húnaþingi 20. nóvember 2008. 

 

Aðalfundur deildar sjúkraliða,  Norðurlandi vestra, lýsir miklum áhyggjum og eindreginni andstöðu við ákvörðun fjármála og  heilbrigðisráðherra um niðurskurð á fjárveitingum til heilbrigðisþjónustu landsmanna.

 

Sjúkraliðar mótmæla harðlega síendurteknum niðurskurði á fjárveitingum til sjúkrahúsa og annarrar heilbrigðisþjónustu landsmanna og krefjast þess að staðinn verði vörður um velferðarkerfi Íslendinga og látið af endurteknum aðförum að því. Mál er að linni.

 

Árangur af áratuga uppbyggingu heilbrigðisþjónustunnar er stefnt í hættu með vanhugsuðum skammtímaaðgerðum heilbrigðisráðherra, verði hann við kröfu fjárveitinganefndar Alþingis um 10% niðurskurð á fjárveitingum til sjúkrahúsa og annarrar heilbrigðisþjónustu.

 

Það er sjúkraliðum efst í huga sem fagfólks á heilbrigðissviði og brýnna en nokkru sinni að heilbrigðiskerfið verði eflt á tímum sem þessum.  Yfirlýsingar ráðamanna um að saman fari, að skera niður með annarri hendinni og auka þjónustuna með hinni ganga ekki upp. 

 

Aðalfundur sjúkraliða í NL vestra hvetur stjórnvöld eindregið til að drag ákvörðun sína til baka og leita annarra leiða til hagræðingar í samstarfi og samráði við starfsfólk heilbrigðisþjónustunnar, samtök launþega, fjöldahreyfingar sjúklinga, öryrkja, eldri borgara og annarra aðila sem hagsmuna hafa að gæta varðandi gæði og skilvirkni heilbrigðiskerfisins.

 

Sjúkraliðar skora á heilbrigðisráðherra að reka af sér slyðruorðið,  bretta upp ermar og standa vörð um sitt ráðuneyti í því fárviðri sem nú geisar.

Sjúkraliðar á Norðurlandi vestra.

 

Sjá myndaalbúm